Në një intervistë ekskluzive për “Top Story”, ish-bashkëshorti i këngëtares Parashqevi Simaku, Robert Nolfe, ka zbuluar se djali i tij ka refuzuar të takojë nënën e tij për një periudhë të gjatë.
Sipas tij, djali ka qenë i paqëndrueshëm dhe ka refuzuar të krijojë një lidhje me Parashqevi, derisa vetëm pas ndërmjetësimit të Elton Ilirjanit ka pranuar të takohet me të.
Nolfe ka treguar se, për shumë kohë, djali ka refuzuar çdo mundësi për të rinovuar marrëdhënien me nënën e tij. Ai theksoi se, kur e pyeti djalin të mërkurën, ai tha “jo”, por sot, pas ndërhyrjes së Ilirjanit, ai ka pranuar dhe ka dhënë një përgjigje pozitive.
Ne kemi pyetur nëse donte ta takonte dhe ai ka thënë jo deri dje. Sot e pyeta nëse ishte i gatshëm dhe ai tha po.
Ai gjithashtu ka theksuar se ka dhënë një deklaratë me shkrim për Elton Ilirjanin, duke shprehur dëshirën për ribashkimin e familjes dhe për të pasur një fund të lumtur për këtë histori të vështirë.
Unë dua vetëm që familja të ribashkohet dhe ajo të jetë thesari i humbur që është rigjetur. Fundi është i bukur dhe kjo histori do të mbarojë e bukur
– ka përfunduar ai, duke shpresuar për një rikthim të harmonisë mes Parashqevit dhe djalit të saj.
