Me datën 02.12.2024 rreth orës 17:00 kemi pranuar një informatë së në rrugën magjistrale Ferizaj- Prishtinë në afërsi me udhëkryqin e fshatit Prelez i Muhaxherëve është një aksident komunikacioni rrugur, ku janë përfshirë një automjet transportues Iveco me targa vendore dhe një këmbësor.
Si pasoj e këtij aksidenti lëndime të rënda trupore ka pësuar këmbësori, mashkull i moshës 82 vjeçar. Në vendin e ngjarjes kanë dalë një ekipë mjekësore, të cilët fillimisht i kanë dhënë ndihmën e parë në vendin e ngjarjes dhe më pas me autoambulancë e kanë dërguar në gjendje të rëndë shëndetësore në Qendrën Klinike Universitare në Prishtinë.
Njësia e Hetimeve të Aksidenteve ka dalë për të ekzaminuar vendin e ngjarjes, se si ka ardhur deri te aksidenti.
Për të gjitha veprimet policore është njoftuar prokurori i shtetit.
Ndërsa rreth orës 21:30 jemi njoftuar nga Qendra Klinike Unversitare e Prishtinës se viktima e aksidentit (këmbësori) B.J ( M/K) i moshës 82 vjeçar ka ndërruar jetë.
Me vendim të prokurorit të shtetit trupi i pajetë është dërguar në Institutin e Mjekësisë Ligjore për obduksion, ndërsa shoferi i automjetit A.B (M/K) i moshës 54 vjeçar është ndaluar në mbajtje për 48 orë për procedura tjera hetimore.
