Personat që vuajnë nga diabeti janë të vetëdijshëm se sheqeri është një nga armiqtë kryesorë të shëndetit të tyre, ndaj ndihmohen nga insulina për të mbajtur nivelet e sheqerit në gjak nën kontroll. Por gjithashtu, ekspertët theksojnë se edhe ata që vuajnë nga tumoret duhet të jenë të kujdesshëm në menaxhimin e niveleve të sheqerit në trup. Për këtë arsye, disa ushqime të veçanta janë të rekomanduara për të mbajtur ekuilibrin e sheqerit në gjak. Ja pesë ushqime të rëndësishme që nuk duhet të mungojnë në dietën tuaj:
Perimet jeshile
Spinaqi, brokoli, rukola, qepa e njoma, hudhra, presha, sallata jeshile dhe lakrat e Brukselit janë perime të pasura me kripëra minerale si magnezi, i cili ndihmon në rregullimin e niveleve të sheqerit në gjak.
Farat
Farat janë një burim i pasur me antioksidantë, proteina, vitamina dhe minerale si magnezi dhe hekuri. Ato ndihmojnë në ruajtjen e niveleve të qëndrueshme të glukozës dhe janë gjithashtu të dobishme për luftimin e hipertensionit dhe diabetit. Farat e linjit, lulediellit, kërpit, susamit dhe kungullit janë disa prej më të preferuarave.
Kakao e hidhur
Është e rëndësishme të theksohet se nuk bëhet fjalë për kakao të ëmbël, por për kakao të vërtetë e cila përmban magnez dhe fibra, dy elemente që ndihmojnë në mbajtjen nën kontroll të nivelit të sheqerit në gjak.
Bajamet
Bajamet janë një burim i shkëlqyer i fibrave dhe proteinave, dhe përmbajnë më shumë magnez se çdo frut tjetër i thatë. Konsumi i pesë bajameve çdo ditë mund të ndihmojë në ruajtjen e një niveli të qëndrueshëm të glukozës dhe gjithashtu mbron shëndetin kardiak.
Drithërat integrale
Drithërat integrale, si tërshëra, orizi, elbi, kuinoa dhe gruri, përmbajnë më shumë fibra sesa drithërat e rafinuara dhe janë të dobishme për filtrimin e gjakut, uljen e kolesterolit të keq dhe rregullimin e sheqerit në gjak.
Përfshirja e këtyre ushqimeve në dietën tuaj mund të kontribuoni në menaxhimin e niveleve të sheqerit dhe mbajtjen e shëndetit të përgjithshëm.
