Mauro Icardi ka bërë një deklaratë tronditëse lidhur me jetën e tij të kaluar me Wanda Nara-n. Në një intervistë për televizionin turk, Icardi tha:
Wanda më ka abuzuar fizikisht për vite me radhë dhe gjithashtu më ka abuzuar digjitalisht, gjë që më ka sjellë shumë probleme financiare.
Ai vazhdoi të shpjegonte se Wanda kishte vjedhur llogaritë e tij dhe i kishte shkruar lojtarëve që luanin në të njëjtin ekip futbolli me të në atë kohë.
Ajo vodhi llogaritë e mia dhe u shkroi lojtarëve që luanin në të njëjtin ekip futbolli me mua në atë kohë.
Akuzat shtriheshin edhe në kërcënime për vetëlëndim. Icardi pretendoi se gjatë një konfrontimi në lidhje me përfshirjen e tij të kaluar me aktoren China Suarez, Nara kërcënoi se do të vriste veten.
Wanda më tha se do të vriste veten nëse do të takohesha përsëri me China. Unë kam prova dhe ia kam paraqitur gjykatës.
Icardi dhe Wanda u ndanë në korrik të vitit 2024 dhe çifti ende është në procesin e përfundimit të divorcit të tyre. Historia e Wanda Nara-s dhe Mauro Icardi-t vijon që të jetë në qendër të vëmendjes së mediave rozë. Madje duket se ‘lufta’ mes ish-çiftit të famshëm është ndezur tashmë në të gjitha nivelet. Që nga vera e kaluar, ata zbuluan se i kishin dhënë fund lidhjes së tyre. Herë pas here u përfol për një ribashkim të tyre, por ishte Wanda ajo që i hodhi poshtë këto thashetheme. Madje modelja e famshme tani është në një lidhje me reperin argjentinas L-Gante.
Personazhi televiziv fundjavën e kaluar ishte në Rio de Zhaneiro me të dashurin e saj, por në të njëjtën kohë Mauro Icardi u rikthye në Buenos Aires nga City për të vazhduar rikuperimin pas dëmtimit të rëndë (në ndeshjen kundër Tottenhamit ku pësoi këputje të ligamenteve). Icardi qëndroi në apartamentin që ai dhe Nara ndanin në Chateau Libertador, një rrokaqiell në kryeqytetin argjentinas.
